މާލޭ ސިޓި ކައުންސިލްގެ އިދާރާ ހުޅުވުމަށް އިއްޔެ މެންދުރު ބޭއްވި ރަސްމިއްޔާޔު ޝަރަފުވެރިކޮށްދެއްވާ އެއިމާރާތް ހުޅުއްވާ ދެއްވީ ރައީސް ނަޝީދު. މިރަސްމިއްޔާތުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި، ދިވެހި ސަރުކާރުގެ ތިންބައިކުޅަ އެއްބަޔަށްވުރެ ގިނަ މަސައްކަތްތައް ހިނގަނީ، މާލޭގައިކަން ފާހަގަކުރައްވަމުން، ރާއްޖޭގެ އާބާދީގެ ތިންބައިކުޅައަށްވުރެ ގިނަ މީހުން މާލޭގައި ދިރިއުޅެމުންދާ ކަމަށް ވިދާޅުވި. އެހެންވީމާ، ސިޓީ ކައުންސިލްގެ ވާޖިބަކީ، މާލޭގައި ދިރިއުޅޭ އެންމެންނަށް، ވީ އެންމެ ރަނގަޅަކަށް މާލޭގައި ދިރިއުޅެވޭނެ ގޮތެއް ހޯދައިދިނުން ކަމުގައި ވިދާޅުވި. އަދި ލާމަރްކަޒީ އުޞޫލުން ސިޓީ ކައުންސިލް ހިންގުމުގެ އޮނިގަނޑުގައިވާ ގޮތުގެ މަތިން، އިރާދަކުރެއްވިއްޔާ، މާލޭގެ ކަންތައްތައް، އެކައުންސިލުން ފުރިހަމައަށް ބަލަހައްޓަވަމުން ގެންދަވާނެ ކަމަށް ޔަޤީން ކުރައްވާ ކަމުގައި ރައީސުލްޖުމްހޫރިއްޔާ ވިދާޅުވި.
ރައީސުލްޖުމްހޫރިއްޔާގެ ވާހަކަފުޅުގައި، ސިޓީ ކައުންސިލްގައި ތިއްބެވި ހުރިހާ މެންބަރުންނަކީވެސް، ވަރަށް ވާދަވެރި އިންތިޚާބެއް ކާމިޔާބު ކުރައްވައިގެން، ގޮނޑި ފުރުއްވަމުން ގެންދަވާ ބޭފުޅުންކަން ފާހަގަކުރައްވަމުން، މާލެއާ ގުޅޭގޮތުން އެބޭފުޅުންނަށް ނުވިކަމެއް، އެހެން ސަރުކާރަކަށް އަދި އެހެން މީހަކަށްވާނެ ކަމަށް ދެކެވަޑައިނުގަންނަވާ ކަމުގައިވެސް ވިދާޅުވި.
No comments:
Post a Comment