ރައީސުލްޖުމްހޫރިއްޔާ މިހެން ވިދާޅުވީ، އެމަނިކުފާނު މިއަދު ސީޝެލްސްއަށް ފެށްޓެވި ދަތުރުފުޅުގައި ފުރާވަޑައިގަތުމުގެ ކުރިން، ތަކެތީގެ އަގަށް މިއަންނަ ބަދަލުތަކާ ބެހޭގޮތުން ވާހަކަފުޅު ދައްކަވަމުން. ޓެކްސްގެ ބިލްތައް ނިންމުން ވަރަށް މުހިންމު ކަމަށާއި، ޓެކްސްގެ ބިލްތައް ނިމުމުން، ބަޖެޓްގެ ޑެފިސިޓް ކުޑަވަމުންދިޔުންވެސް އެހާ މުހިންމު ކަމުގައި ރައީސުލްޖުމްހޫރިއްޔާ ވިދާޅުވި.
ރައީސުލްޖުމްހޫރިއްޔާގެ ވާހަކަފުޅުގައި، ސަރުކާރުން މިހާރު ހުށަހަޅުއްވާފައިވާ އިޤްތިޞާދީ ޕްރޮގްރާމަކީ، ސަރުކާރުގެ ވަޢުދުތައް ކަމުގައިވާ ތަކެތީގެ އަގުތައް ތިރިކުރެއްވުމާއި، ދިރިއުޅުމުގެ ޚަރަދު ކުޑަކުރެއްވުމަށް ހުށަހެޅިފައިވާ ޕްރޮގްރާމެއްކަން ހާމަކުރެއްވި. މިރޮނގުން ވާހަކަފުޅު ދައްކަވަމުން، އާމްދަނީ އިތުރުކުރެއްވުމަށް މަސައްކަތް ކުރުމާއެކު، ޚަރަދު ކުޑަކުރުމުގެ މަސައްކަތް ކުރުމަކީވެސް ބޭނުންތެރި ކަމެއް ކަމުގައި ވިދާޅުވި.
ރައީސުލްޖުމްހޫރިއްޔާގެ ވާހަކަފުޅުގައި، ރާއްޖޭގެ ރައްޔިތުން އެންމެ ބޮޑަށް ބޭނުންވެގެން މިއުޅެނީ، ވަޒީފާގެ ފުރްޞަތުތައް ކަމަށާއި، ވަޒީފާނެތި އާމްދަނީ ނުލިބުނީމާ، ތަކެތީގެ އަގުބޮޑުކަން އިޙްސާސް ކުރެވެމުންދަނީ ކަމުގައި ވިދާޅުވި. އެހެންވީމާ، އަށްހާސް ފައްސަތޭކަ މީހުންނަށް އަމާޒު ކުރައްވައިގެން، ތަމްރީނު ޕްރޮގްރާމްތަކެއް ފެށްޓެވުމަށް ސަރުކާރުން ނިންމެވީ، އެކި ތަމްރީނުތައް ފުރިހަމަކޮށްގެން، ވަޒީފާގެ ފުރްޞަތުތައް ހޯއްދަވައިދެއްވުމަށްޓަކައި ކަމުގައި ވިދާޅުވި.
No comments:
Post a Comment