ނަން ހާމަ ކުރަން ބޭނުން ނުވާ އެމެރިކާގެ އިންޓެލިޖެންސް އޮފިސަރަކުވަނީ އަތިއްޔާ އަބުރުއްރަހުމާނު (އަތިއްޔާ އަބުދު އަލްރަހުމާން) މިދިޔަ ހަފްތާގެ ހޯމަ ދުވަހު އެމެރިކާގެ ފައުޖުތަކުން ދިން ހަމަލާއެއްގައި ޕާކިސްތާނުގައި ޝަހީދުކޮށްލެވިފައިވާ ކަން ކަށަވަރުކޮށްދީފައި. ނަމަވެސް އަތިއްޔާ އަބުދުއްރަހުމާން މަރާލެވިފައިވާ ގޮތުގެ ތަފްސީލެއް އޭނާ ހާމައެއް ނުކުރޭ. އުސާމާ ބިން ލާދިންއަށް ފަހު އަލް ގައިދާގެ އެންމެ މަތީ ވެރިޔާކަމަށް އައިމަން އަލްޒަވާހިރީ އައްޔަންކޮށްފައިވީ ނަމަވެސް އަމަލީ ގޮތުން އެމަގަމު ފުރަމުން ދިޔައީ ލީބިޔާއަށް އުފަން ތިރީސްފަސް އަހަރުގެ އަތިއްޔާ އަބުދުއްރަހުމާން. އަތިއްޔާ އަބުދުއްރަހުމާން ޝަހީދުކޮށް ލެވުމަކީ އުސާމާއަށް ފަހު އަލްގައިދާއަށް ލިބުނު އެންމެ ބޮޑު ހިތްދަތިކަން ކަމަށް އެމެރިކާގެ އޮފިޝަލުން ސިފަކުރޭ. މޭމަހު ހިނގި އޮޕަރޭޝަންގައި އުސާމާ ބިންލާދީން ޝަހީދުކޮށްލި އިރު ވެސް އަލްގައިދާގެ ކަންތައްތައް ރާވާ ހިނގުމުގައި އިސްކޮށް އުޅޭ މީހެއް ކަމަށް އެމެރިކާއިން ބުނޭ.
No comments:
Post a Comment