އިޒްރާއިލުގެ އަނިޔާވެރި އަމަލުތަކުގެ ޝިކާރައަކަށް ވެފައިވާ ދިހަހާހަށް ވުރެ ގިނަ އާއިލާތަކައި، ރަށުން ބޭރުކޮށް ފޮނުވާލެވިފައިވާ އެތައް ހާސް އާއިލާތަކެއްގެ އިތުރުން އިޒްރާއިލުން ހައްޔަރުކޮށްފައިވާ އެތައް ބައެއްގެ މިއާދޭސް އަޑު އެހުމަށް ގޮވާލާ ފަލަސްތީނުގެ ސަތޭކައެއްހާ މީހުން ވަނީ ރާމަޞާގައި ހުންނަ އދގެ އޮފީހަށް ސިޓިއެއް ހުށަހަޅާފައި. އދގެ އޮފީހާއި ސިޓީ ހަވާލުކޮށްފައިވަނީ އެއްވެފައި ތިބި ސަތޭކައެއްހާ މީހުންގެ ފަރާތުން ހަތްދިހަ އަހަރުގެ ލަތީފާ އަބޫ ހުމައިދް. ލަތީފާގެ ފިރިހެން ދަރިއަކު އިޒްރާއިލުން މަރާލާފައިވާ އިރު، އޭނާގެ އިތުރު ހަތްދަރިއަކު އިޒްރާއިލުންވަނީ ހައްޔަރުކޮށްފައި. ފަލަސްތީނުގެ ރައްޔިތުންތަކެއް ފަލަސްތީނަކީ މިނިވަން ދައުލަތަކަށް ހެދުމަށް ކުރަމުންދާ މަސައްކަތަށް އެއްބާރުލުން ދިނުމަށް ގޮވާލި ނަމަވެސް ރަސްމީކޮށް އެކަން އދއަށް ހުށަހެޅުން އޮންނާނީ މިމަހުގެ ތޭވީސްވަނަ ދުވަހު އދގައި. ފަލަސްތީނަކީ ފުރިހަމަ މިނިވަންކަން ލިބިފައިވާ ގައުމެއް ކަމަށް ބަލައިގަތުމަށް އދގެ ސަލާމަތާއި ބެހޭ ކައުންސިލްގެ ވޯޓު ބޭނުންވާނެ. ނަމަވެސް އެމެރިކައިންވަނީ އެފަދަ މައްސަލައެއް ހުށަހަޅައިފި ނަމަ ވީޓޯ ކުރާނެ ކަމަށް ބުނެފައި. މިމައްސަލައާއި ގުޅިގެން ހުއްޓާ ނުލާ ތަކުރާރުކޮށް، ފަލަސްތީނު މިނިވަން ދައުލަތެއްގެ ގޮތުގައި ބަލައިގަތުމަށް ހުށަހެޅުމަށް ވެސް ފަލަސްތީނުގެ ސަރުކާރުންވަނީ މަޝްވަރާކޮށްފައި.
No comments:
Post a Comment